Dili-Kuluhun; 17 Abril 2026, Maske mehi furak iha tempu sei kiik maibe mehi ne’e la sai realidade wainhira to’o idade adultu ona, maibe ba Ricardo Soares ho naran estimado Wingky Willi-Willi ne’ebe moris iha Dili loron 17/06/1993 la rende ba qualquer situasaun hodi alkansa realidade mehi seluk.
Wingky ne’ebe ema hotu hahu ninia ensino pre primaria iha escola SD MUI no. 4 Kuluhun no finaliza iha tinan 2006.
Ricardo Soares ou bain-bain bolu Wingky Willi-Willi, ne’ebe mai husi familia ne’ebe simples ho maun alin nain neen, nia mak nudar oan ikun husi Profirio Soares da Costa no inan Maria Imaculada Soares.
Ho matenek natureza ne’ebe iha hakarak aprende liu tan siencia atu hakarak mos kuinese mundo nia furak Wingky kontinua fila fali ninia ensinu aprendisazen presekundariu iha escola Esperanca da Patria Becora Dili, no finaliza ninia estudu iha tinan 2009. Wingky Willi-Willi ne’ebe gosta kor favoritu matak ne’e ho nia hobby gosta basket ne’e hafoin finaliza aprendisazen iha presekundariu la lakon oportunidade ho nia amigo seluk iha banku escola ho vontade no hakarak rasik nia kontinua fila fali ninia estudu iha nivel Sekundariu iha escola Vinte Ointu de Novembro (28 Nov) Becora, no finalize ninia estudu iha tinan 2012.
Iha nivel edukasuan ne’ebe naton, satan moris ona iha mundo kompetisaun ne’ebe makas atu responde ba era dijitalizasaun, Wingky ne’ebe ho koor kulit metan morena ne’e hahu aprende atu kuinece mundo teknologia nune’e iha tinan 2016 Wingky hahu aprende halo konten creator hodi kria kontiudu ne’ebe furak halo ema hotu divertidu. ho nia motto moris hakarak sai ema ne’ebe mak simplisidade no fo haksolok ba
Wainhira dada lia ho official administrasaun Suco Kuluhun Sonia Maria da Costa Araujo Soares via watsapp iha loron 14 Abril 2026 tuku 11.00 Wingky Willi-Willi argumenta ho nia inisiativa rasik hetan apoio mos husi kolega sira nia hatudu ninia badinas no matenek ne’ebe iha hodi produs video komiku sira ho objetivu atu anima deit hare nain sira maibe ikus mai iduvidu balun la gosta ho linguazen la edukadu.
“Dezafiu ne’ebe hau hasoru iha konten creator mak ema hasai liafuan at mai hau, ema konta buat oin-oin maibe hau la rende hasoru ho pasiencia katak ho insultu no maltrata sira hanesan inspirasaun ida ba hau atu kontinua aprende hodi ganha esperiencia sira diak liu tan iha futuru”
Husi dezafius sira ne’ebe Wingky hasoru durante ne’e halo nia sai forte liu tan, tentasaun oin-oin hakbesik ba mane ne’ebe ho nia altura 172 CM ho fuk ben ne’e kontinua koko no aprende buat foun no sai nudar Mestri ba Ceremonia (MC) iha ceremonia ruma wainhira ema konvida.
Hahu iha tinan 2016 Wingky hahu ho aprende mundo foun atu hakarak sai nudar MC hanesan ema kuinecedu seluk maske nia hahu zero ba zero maibe la hamate ninia vontade hodi aprende husi esperiencia sira ne’ebe nia ultrapasa ona.
Atu haforca liu tan matenek no kuinesementu iha mundo Mestre Ceremonia Wingky mos hahu koko aprende liu tan husi kanal youtube sira, husi video sira konaba Mestre Ceremonia husi esperiencia ne’e kontinua koko no treinu atu mos Mestre Ceremnia ne’ebe kuinecedu.
Wingky ne’ebe gosta hatais roupa ho koor metan, mutin no mean ne’e ho esperienncia lubuk ida ne’ebe nia iha komesa hakat lao dook liu tan, hahu husi nudar mestre ceremonia iha eventu kiik sira hanesan MC ba aniversariu to’o iha MC ba iha ceremonia matrimoniu sira tanto iha Timor-Leste nomos go internasional hanesan Atambua, Kupang, Darwin no Australia.
Ho grasa wain kareira Mestre Ceremonia Wingky Willi-Willi nia dura ona kuaze tinan sanulu liu ona too ohin loron, kareira hirak ne’e hetan apoio maximu husi ninia familia rasik ho kolega estimadu sira seluk no hetan mos bensaun husi ninia uma lisan rasik.
Wingky Willi-Willi ne’ebe ho nia zodiaku Gemini ne’e iha tinan 2023 liu ba sai viral liu tan iha sosial media sira nomos kanal media sira tanto plataforma online nomos telestereal ne’e wainhira fight (sae ring) kontra adversariu Joni W ho rezultadu draw, husi eventu ne’e halo Wingky sai kuinecedu liu tan maske eventu ne’e hanesan animasaun ida ba publiku tomak hodi kompletu eventu Boxing Nasional ne’e.
Ho natureza nia suporta hodi hetan esperiencia sira hodi hariku liu tan Wingki Willi-Willi ninia abilidade sira iha mundo entertainamentu (animasaun), gerasaun husi uma lisan manusai kasadua husi municipiu Liquisa ne’e iha tinan 2023 liu ba hahu habelar ninia kuinesementu no kareira professional sira hodi haknar an iha Ministeriu da Saude hodi asumi responsablidade nudar protokolu.
Hakerek : Formando/a Suco Dijital Kuluhu
Editor : Formador JPD DNDM-SEKOMS
