KULUHUN , 19 ABRIL 2026 – Prosesu ba alargamentu Estrada iha suku kuluhun afeta ba uma kain hamutuk tolu nulo resin tolu.
Xefe suku kuluhun Deus Dado Martins ba Sentru Informasaun Suku Dijital Kuluhun, Kinta (16/04) hateten hahu husi tinan kotuk bainhira rona informasaun konaba alargamentu Estrada husi parte autoridade local suku no aldeia nian konvoka enkontru ho komunidade sira hodi hato’o konaba alargamentu Estrada iha parte kuluhun nian no afeita ba uma kain tolu nulo resin.
“Ita sura premeiru Estrada publiku iha ne’e uma kain 33, husi Ponte Maufelu ba iha Becusse iha uma kain tolu nulo, husi parte Has Laran ba iha Ponte Namoradu hamutuk uma kain 27”, dehan Xefe Suku Kuluhun.
Tuir Xefe Suku katak prosesu pagamentu ba komunidade sira ne’ebe afetadu ba alargamentu Estrada remata ona.
“Konaba pagamentu ou ema dehan iminizasaun ate a data konaba konstrusaun Obras Publiku responde hotu ona so deit ita hein tiha agora maka konaba rai nian maka seidauk terres e propriedade seidauk halo pagamentu maibe ba konstrusaun fahi luhan uma buat hotu hotu estadu selu hotu ona”, tenik Xefe suku.
Xefe suku ne’e husu ba komunidade iha suku Kuluhun atu koopera nafatin ho estadu no governu hodi halao desenvolvementu iha nasaun ida ne’e.
“Hau apela liu-liu ba hau nia Xefe aldeia nain 7 ita bot sira hamutuk ita nain 8 atu habelar informasaun ba ita nia komunidade liu-liu ba aldeia hitu kualker ativiaddes ne’ebe maka governu ka estadu halo, ita tenke apoiu tanba diak ba ita, diak ba ita nia oan no diak ba ita nia bioan sira, Estadu sobu Etadu hatene selu laiha estadu ida ne’ebe sobu estadu la hatene selu naran katak ita koopera 100 persen”, Xefe suku hateten
Iha sorin seluk Nji Khong Lay nudar komunidade ida iha suku kuluhun hateten husi nia parte sente kontente ho alargamentu Estrada iha pate Kuluhun nian tanba bele hamenus engarafamentu.
“Tuir hau nia hanoin konaba alargamentu Estrada ida ne’e sente kapas tebes tanba iha ita nia nasaun laran iha mudansa lubuk ida ona tanba durante ne’e ita afetadu ba macet (engarafamentu) mas agora ita hare’e situasaun komesa diak oituan ona”, dehan Lay
Entretanto Xefe Aldeia Apolinario B. Caldeira hateten maske komunidade barak maka afeita ba alaragamentu Estrada maibe komunidade sira sente kontente no koopera ho estadu atu halo desenvolvimentu ba nasaun ida ne’e.
Hakerek : Equipa Formando/a Suco Dijital Kuluhun
Editor : Formador JPD DNDM SEKOMS
