ALARGAMENTU ESTRADA NO DEZENVOLVIMENTU INFRASTRUKTURA (ARTIGU)
IX Nonu Governu konstitusional liu husi Ministerio Obras Publika (MOP) hahu implemeta projeitu alargamentu Estrada husi dirasaun suco kuluhun ba to”o iha Ponte-Maufelu.
Pasu ida ne’e inportante tebes husi estrategia integrado atu hamenus engrafamentu iha area Kuluhun to”o iha ponte Maufelu Becora, obra ne’ebe responsabilija husi kompanha nasional Montana Diak ne’ebe finaliza ona iha tinan 2025 liu ba.
Maske progresu alargamentu Estrada husi dirasaun Kuluhun to”o ponte Maufelu finaliza ona husi kompanha maibe tuir observasaun iha terenu sei iha mos obra seluk
ne’ebe sei kontinua halao nafatin hanesan instasalaun kanu distribuisaun bee mos husi dirasaun Ponte-Maufelu to”o iha area kuluhun nian.
Iha obra alargamentu estrada ne’e kompleta kedan ho fatin estasionammentu ba transporte publiku no konstrui mos fatin ba jardin hodi hafurak liu tan cidade nia furak husi dirasaun Kuluhun to’o iha Ponte-Maufelu.
Aliende ne’e iha obra hirak ne’e Ministerio obras publika(MOP) liu husi serbisu tekniku EDTL-EP kontinua halo koneksaun linha eletricidade subteranu iha dalan protokolu husi kuluhun too iha terminal Bekora.
Maske iha alargamentu estrada ne’e komunidade suco Kuluhun barak afeitadu, maibe governu liu husi orgaun kompotente halao ona despezu administrativu ba komunidade afeitadu sira.
Antereormente estada dirasaun Suco Kuluhun to”o iha Ponte Maufelu Becora ho dirasaun ida deit nune’e difikulta tebes movimentasaun transporte publiku kareta no motor nune’e hamosu engrafamentu iha fatin refere no hamosu mos asidente trafiku balun iha tempu sira liu ba.
Projeitu ne’e ho esperanca katak bele fo efeitu ne’ebe positivu direta ba populasaun em geral liu -liu bele hamenus engrafamentu no hasae seguranca rodoviaria hodi halais liu tan asesesiblidade ne’ebe diak liu.
Hakerek husi : Equipa Formando/a Suku Dijital Kuluhun
Revizaun : Formador JPD DNDM SEKOMS
